Hafnarborg býður upp á leigu á sölum fyrir fundi, tónleika og aðra viðburði. Gestir geta skoðað sýningar safnsins á opnunartíma eða eftir samkomulagi utan hans. Einnig er hægt að óska eftir leiðsögnum um sýningarnar.

Apótekið er fjölnotasalur á neðri hæð safnsins sem hentar vel fyrir fundi, fyrirlestra, námskeið og móttökur. Salurinn rúmar 50 manns í sæti eða 70 standandi.

Aðalsalur á 2. hæð er hentugur fyrir stærri viðburði, svo sem kynningar- og fræðslufundi, tónleika og fyrirlestra. Salurinn rúmar 200 manns í sæti eða 300 standandi.

Í sölum Hafnarborgar er ekki aðstaða til matargerðar eða geymslu á veitingum. Safnið útvegar ekki veitingar eða borðbúnað en hægt er að leita til Krydd veitingahúss vegna veisluþjónustu.

Þú getur haft samband í síma 585 5790 eða sent póst á hafnarborg@hafnarfjordur.is til að fá nánari upplýsingar eða bóka sal. Hægt er að skoða salina á opnunartíma safnsins frá kl. 12–17 alla virka daga, nema þriðjudaga.

Sjá verð í gjaldskrá